_1749430366.gif)
धरान : रोटरी क्लब अफ धरान, रोटरी क्लब अफ धरान फूटहिल्स, रोटर्याक्ट क्लब अफ धरानको पदस्थापन कार्यक्रम सुनसरी उद्योग वाणिज्य सङ्घको सभा हलमा संयुक्त रूपमा सम्पन्न भएको छ।
रोटरी वर्ष २०२५/२६ का लागि रोटेरीयन फिरोज कुमार श्रेष्ठ, रोटेरीयन डा मोना दाहाल र रोट्र्याक्टर अनुज अग्रवालले नयाँ अध्यक्षको रूपमा पदभार ग्रहण गरेका थिए । पदस्थापन कार्यक्रमको सञ्चालन समीर शाह र नेहा अग्रवालले गरेका थिए।
कार्यक्रम पूर्व डिस्ट्रिक्ट गभर्नर रोटेरीयन सञ्जय गिरीको प्रमुख आतिथ्यमा सम्पन्न भएको थियो । अन्य विशिष्ट अतिथिको रूपमा पूर्व डिस्ट्रिक्ट गभर्नर रोटेरीयन जितेन्द्र बहादुर राजभण्डारी, डिस्ट्रिक्ट मेम्वरसिप चेयर लक्ष्मण ज्ञवाली, डिस्ट्रिक्ट पब्लिक इमेज चेयर अमित गिरी र असिस्टेन्ट गभर्नर रोटरीयन प्रिया शाडाको उपस्थिति रहेको थियो।
रोटरी वर्ष २०२४/२५ का अध्यक्षहरू रोटेरीयन विनयलाल श्रेष्ठ, रोटेरीयन डा. अञ्जु प्रधान र रोटर्याक्टर शुभम् शाक्यले आ-आफ्नो क्लबको गत वर्ष गरेका सामाजिक कार्यहरू प्रस्तुत गरेका थिए।
कार्यक्रममा शैक्षिक क्षेत्रमा विशेष योगदान पुर्याउनु भएका शिक्षासेबी श्याम बहादुर कटुवाललाई भोकेसनल अवार्डले सम्मानित गरिएको थियो । कार्यक्रममा विभिन्न रोटरी क्लब तथा अन्य सङ्घसंस्थाबाट १५० भन्दा बढी सहभागीहरूको उपस्थिति रहेको थियो ।
