_1749430366.gif)
धरान : संयुक्त राष्ट्रसङ्घद्वारा घोषित विश्व मानवता दिवस अगस्ट १९ धरानमा परिवार नियोजन सङ्घको आयोजनामा शुक्रवार मनाइएको छ ।
कार्यक्रममा सहभागीहरूले पछिल्लो समय प्रविधिको विकासले समाजमा मानवीय भावनामा हराउँदै गएको बताए । प्राकृतिक प्रकोप, आपत विपतका बेला मानवीय उद्धारमा संस्थागत सेवाको आवश्यकता बढेर गएकोमा जोड दिए ।
कार्यक्रमको प्रमुख अतिथि इलाका प्रशासन धरानका कार्यालय प्रमुख लक्ष्मी प्रसाद रेग्मी, सङ्घकी वरिष्ठ शाखा प्रबन्धक रनु राउतले मानवता दिवसको बारेमा प्रकाश पारेकी थिइन् ।
सङ्घकी जिल्ला सभापति निर्मला अधिकारी आचार्यको सभापतित्वमा सम्पन्न अन्तरकृयामा स्वास्थ्य कार्यालय सुनसरीका पब्लिक हेल्थ नर्स उर्मिला राई र धरान उपमहानगरपालिका बिपद व्यवस्थापन महाशाखाका प्रमुख भेषराज घिमिरे उपस्थित थिए । स्वागत भाषण सङ्घका कोषाध्यक्ष सागर प्रसाईँले गरेका थिए ।
