_1749430366.gif)
धरान : मुलुकको विभिन्न स्थानमा शुक्रवार देखी वर्षा भइरहेको र भारी वर्षाको सम्भावनाका कारण सरकारले आइतबार र सोमवार देशभर सार्वजनिक बिदा निर्णय गरेको आज शनिवार गृह मन्त्रालयले आकस्मिक सूचना जारी गरेको छ ।
सूचनामा वर्षाका कारण उत्पन्न हुनसक्ने बाढी, डुबान, भू-क्षय लगायतका जोखिमका साथै सडक तथा हवाई यातायात प्रभावित हुने र मानवीय क्षति समेत हुनसक्ने सम्भावनालाई मध्यनजर गरी असोज १९ र २० गत नेपाल अधिराज्यभर सार्वजनिक बिदा दिने निर्णय गरिएको उल्लेख छ ।
उक्त बिदा विपद् व्यवस्थापन र अत्यावश्यक सेवासँग सम्बन्धित कार्यालयहरू बाहेकका कार्यालयहरूमा रहने सूचनामा जनाइएको छ ।
जल तथा मौसम विज्ञान विभाग तथा राष्ट्रिय विपद् जोखिम न्यूनीकरण तथा व्यवस्थापन प्राधिकरणबाट असोज १८ देखी २० गते सम्म देशका विभिन्न स्थानमा भारी देखी अति भारी वर्षको सम्भावना रहेको र हाल देशका विभिन्न भागमा वर्षा भइरहेको हुँदा विशेष सतर्कता अपनाउन पनि सूचनामा अनुरोध गरिएको छ ।
उक्त अवधिभर अत्यावश्यक काम नपरी घर बाहिर ननिस्कन र सुरक्षित स्थानमा रहन सबै नागरिकसँग गृह मन्त्रालयले अनुरोध गरेको छ ।
