वराहक्षेत्र : सुनसरीको वराहक्षेत्र नगरपालिका वडा नं  २ जब्दिमा रहेको नगरपालिकाकै कान्छो मध्यको एक सामुदायिक विद्यालय जलदेवी आधारभूत विद्यालयले आफ्नो २७ औ वार्षिक उत्सव तथा अभिभावक दिवस मनाएको छ । शनिवार विद्यालयले औपचारिक कार्यक्रम आयोजना गरेर वार्षिक उत्सव तथा अभिभावक दिवस मनाएको हो ।
कार्यक्रममा नगर प्रमुख रमेश कार्कीको प्रमुख आथिथ्यता रहेको थियो । कार्यक्रममा शिक्षा विकास तथा समन्वय ईकाइ सुनसरीका प्रमुख देवेन्द्र मल्ला , वडा आदर्श माबिका प्रधानाध्यापक लक्ष्मीप्रसाद लिम्बू ,अध्यक्ष यादव गौतम,आदर्श माबिका पूर्व प्रधानाध्यापक प्रल्लाद भट्टराई ,ज्ञानबहादुर पाण्डे , समाजसेवी मनोज पौडेल विशिष्ट अतिथि रहेका थिए । कार्यक्रममा छिमेकी विद्यालयका प्रधानाध्यापक,विद्यालय व्यवस्थापन समितिका अध्यक्ष पूर्व अध्यक्षहरू , समाजेबिहरु , चन्दादाताहरू,अक्षयकोष दाता लगाए अतिथि रहेका थिए ।
कार्यक्रममा उत्कृष्ट शिक्षक रूपमा रोमा न्यौपानेलाई सम्मान,शिक्षा विकास तथा समन्वय ईकाइ सुनसरीका प्रमुख देवेन्द्र मल्ललाई अभिनन्दन,असल अभिभावक,सहयोगी दाता तथा सहयोगीहरूलाई कसर पत्रले सम्मान गरिएको थियो ।
विद्यालय व्यवस्थापन समितिका अध्यक्ष धन बहादुर लिम्बुको सभाध्यक्षतामा आयोजना भएको कार्यक्रममा विद्यालयका प्रधानाध्यापक नरकुमार राईले विद्यालयको आर्थिक वर्ष २०८१/०८२ को आय/ व्यय तथा भावी योजना प्रस्तुत गरेका थिए । 
कार्यक्रमको सञ्चालन शिक्षक विष्णुकुमारी राई र सिताराम बस्नेतले गरेका थिए । कार्यक्रममा विद्यालयले विभिन्न खेलकुद तथा शैक्षिक प्रतियोगिता र गतिविधिमा उत्कृष्ट भएका बिद्यार्थीहरुलाई पुरस्कृत समेत गरिएको थियो । २०५५ सालमा स्थापना भएको उक्त विद्यालय वराहक्षेत्र नगरपालिकै कान्छो तथा उत्कृष्ट विद्यालय हो ।