धरान : धरान–१५ बगरकोटमा गत वैशाख २८ गते साँझ झैँ–झगडा हुँदा बोतल प्रहारबाट घाइते भएकी धरान–१५ की ४९ वर्षीया सरु नेम्वाङको उपचारको क्रममा शुक्रवार मृत्यु भएको छ ।
घाइतेको मृत्यु भए लगत्तै प्रहरीले घटनामा संलग्न रहेको आरोपमा धरान–१५ कै ३८ वर्षीय अशोक लिम्बू र ३३ वर्षीय बुद्धवीर लिम्बूलाई पक्राउ गरेको छ ।
पक्राउ परेका दुवै विरुद्ध कर्तव्य ज्यान उद्योगअन्तर्गत प्रक्रिया अगाडि बढाइएको इलाका प्रहरी कार्यालय धरानका डिएसपी भिषणबाबु राईले जानकारी दिए ।
डिएसपी राईका अनुसार यसअघि ज्यान मार्ने उद्योगमा दर्ता भएको मुद्दा नेम्वाङको मृत्यु भएसँगै कर्तव्य ज्यान उद्योगमा परिणत भएको हो ।
इलाका प्रहरी कार्यालय धरानका अनुसार प्रारम्भिक अनुसन्धानबाट अत्यधिक मादक पदार्थ सेवन गरेका महिलाहरूबिचको आपसी विवादका कारण झगडा भएको खुलेको छ.
दुवै जनालाई इलाका प्रहरी कार्यालय धरानको नियन्त्रणमा राखी घटनाबारे थप अनुसन्धान भइरहेको प्रहरीले जनाएको छ ।
