बनावटी हाँसो

  • बैशाख ११, २०७८
  • २७६ पटक पढिएको
  • विजय धिमिरे
alt

आज धेरै पछि चढेको थिए
यो दुई धारेको बाटो
दन्तकाली दर्शन गर्न
आफ्नो भटभटेलाई विश्राम दिई
धेरै पछि पैतालालाई दुःख दिन

पहिला हामी यही बाटो हिडथ्यौ सधैँ
ढुङ्गे बाटो दुई धारेको पानीले आँत भिजाउँदै
त्यही बाटो भएर हिडथे धेरै प्रेमिल जोडीहरू
दन्तकाली अनि बुढासुब्बामा, सँगै जिउने मर्ने कसम खान्थे
अनि बासको फेदमै लेख्थे बि प्लस यस
यस्तै यस्तै प्रेमका डोबहरू
आफ्नो प्रेम अजम्बरी बनाउने लालसामा

ती कैयन प्रेमिल जोडी आज
आफ्नो बसेरामा बच्चा हुर्काउँदै होलान्
बडो तन्मयताका साथ
केही आफ्नो प्रेम बिछोड हुनुको कारण खोज्दै होलान्
समयले टक्क रोकाएर दिने स्मृतिहरूमा

आज यो दुई धारेको बाटो हिजोको जस्तो छैन
ढुङ्गा छोपेर बालुवा र सिमेन्टको ढलानले उन्मुक्त हाँसो हाँसिरहेछ
लाग्यो कतै मलाई त उ गिज्याइ रहेको छैन
लामो अन्तरालको भेटमा
उसले मुस्कुराउँदै सोध्यो
खोइ तिम्रो हात समाउँदै,मुस्कुराउँदै
यो उकालो चढ्ने तिम्रो प्रेमिल जोडी
मैले पनि मुस्कुराउँदै भने तिमी अझै सम्झँदै छौ
ती विगत थिए

अचेल हाम्रो प्रेमले बाटो अन्तै मोडी सक्यो
म पुनः मुस्कुराए
उ अलिक भावुक हुँदै भन्यो
तिम्रो मुस्कान भित्रको पीडा
मलाई मेरै जस्तो लाग्यो
जसरी म बालुवा र सिमेन्टको ढलान भित्र
ढुङ्गाको पीडा छोपेर मुस्कुराइ रहेछु
बनावटी हाँसो
ढुङ्गे बाटोको नाम आर सि सि बाटो सँग साटेर

यो पनि:

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता बिनय बाह्रकोटी (ईटहरी)
  • सुदिप अधिकारी (झापा)
  • केशवराज भण्डारी (बिर्तामोड)

Copyright © 2018 / 2021 - Kapurinews.com All rights reserved