बगरकोटमा शिवानी मोक्तानको प्रस्तुति

  • पुष २४, २०७८
  • २६० पटक पढिएको
  • कपुरी न्युज
alt

धरान : नेपाली साङ्गीतिक जगतमा आफ्नो पहिचान बनाइसकेकी गायिका शिवानी मोक्तानले शुक्रवार साँझ बगरकोट तताएकी छिन् ।

साँझ ९ बजे एमएच लाउन्ज एण्ड बारको स्टेजमा उत्रिएकी मोक्तानले साढे दश बजे सम्म धराने दर्शकलाई नचाएकी थिइन् । खुकुरी म्युजिक नेसनको सहयोगमा उनलाई एमएच लाउन्जले बगरकोट ल्याएको हो ।

गायिका शिवानीलाई प्रस्तुति अघि एमएच लाउन्जका सञ्चालक एवं बगरकोट होटल व्यवसायी मञ्चका अध्यक्ष जीवन मेन्याङ्बोले खँदा लगाएर स्वागत गर्दै मायाको चिनो समेत प्रदान गरेका थिए । नाइट लाइफको बजारमा पूर्वमा नै चर्चित बन्दै गइरहेको बगरकोटमा राष्ट्रिय कलाकारको उपस्थितिले यहाँको पर्यटन प्रवर्द्धनमा सहयोग पुग्ने मेन्याङ्बोले बताए ।

दर्शकहरूको लामो पर्खाई पछि स्टेजमा उपस्थित भएकी गायिका शिवानीले डेढ घण्टा प्रस्तुति दिएकी थिइन । उनले आधा दर्जन भन्दा बढी नयाँ पुराना गीत प्रस्तुत गरेकी थिइन । पछिल्लो समय माया हो बोलको गीत मार्फत चर्चाको शिखर चुमेकी गायिका शिवानीले आफ्नो गीत तिमी बिनाको बोलको गीत गाउँदै माहौल तताएकी थिइन । उनले माहौल तातिएपछि भने आफ्नो आमा कुन्ती मोक्तानको गीत समेत प्रस्तुत गरेकी थिइन ।
उनले दर्शकहरूको अनुरोधमा अन्य गीतको कभर समेत गाउँदै दर्शकलाई नचाएकी थिइन । मोक्तानलाई उनीसँगै आएका अन्तरा ब्यान्डले साथ दिएको थियो । धरान हुँदै अब काठमाडौँ र पोखरामा कार्यक्रम रहेको आर्बिटरी इभेन्ट म्यानेजमेन्टका डाइरेक्टर अविरल शाक्यले जानकारी दिए । कार्यक्रमको इभेन्ट म्यानेजमेन्ट आर्बिटरिले गरेको हो ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता बिनय बाह्रकोटी (ईटहरी)
  • सुदिप अधिकारी (झापा)
  • केशवराज भण्डारी (बिर्तामोड)

Copyright © 2018 / 2022 - Kapurinews.com All rights reserved