पूर्वाञ्चल युनाइटेड प्रथम सोनापुर गोल्ड कपको उपाधि नजिक

  • पुष ३०, २०७८
  • ९४ पटक पढिएको
  • कपुरी न्युज
alt

इटहरी : पूर्वाञ्चल युनाइटेड क्लब सुन्दरहरैचा प्रथम सोनापुर गोल्ड कपको उपाधि नजिक पुगेको छ ।

सुनसरीको दुहबी-८ सोनापुरमा जारी प्रतियोगिता अन्तर्गत आज शुक्रवार भएको पहिलो सेमिफाइनल खेलमा मोरङ बेलबारीको डागीहाट फुटबल क्लबलाई सडेन डेथमा पराजित गर्दै पूर्वाञ्चल युनाइटेडले फाइनलमा स्थान सुरक्षित गरेको हो ।

निर्धारित ८० मिनेटको खेलमा दुवै टिमले १-१ गोलको बराबरी खेलेपछि खेल पेनाल्टी सुटआउटमा धकेलिएको थियो । पेनाल्टी सुटआउटमा पनि दुवै टिमले ५-५ को बराबरी खेलेपछि खेलको निर्णय सडेनडेथबाट लिइएको हो ।

त्यसअघि खेलको ९ औ मिनेटमा डागीहाटका एरोज मगरले गोल गरेर आफ्नो टिमलाई अग्रता दिलाएका थिए । खेलको ४७ औ मिनेटमा पूर्वाञ्चल युनाइटेडका असिम राईले पेनाल्टी मार्फत गोल गरेपछि खेल १-१ को बराबरीमा पुगेको थियो । डागीहाटका खेलाडी अबिष्कार क्षेत्रीले डि–एरियामा हेण्ड गरेपछि पूर्वाञ्चलले पेनाल्टी प्रहारको अवसर पाएको थियो ।

आजको खेलको म्यान अफ द म्याच आयोजक पूर्वाञ्चल युनाइडेडका गोल किपर रोशन कार्की घोषित हुँदै नगद २ हजार रुपैयाँ पाए ।

पूर्वाञ्चल युनाइटेडले उपाधिका लागि सोमबार आयोजक मेमोरी युवा क्लब र एकता युवा क्लब बिराटचौक मोरङ बिच भोलि शनिवार हुने अन्तिम सेमिफाइनल खेलको विजेतासँग प्रतिस्पर्धा गर्नेछ । प्रतियोगिता विजेताले नगद १ लाख र उपबिजेताले ५१ हजार रुपैयाँ पुरस्कार पाउनेछ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता बिनय बाह्रकोटी (ईटहरी)
  • सुदिप अधिकारी (झापा)
  • केशवराज भण्डारी (बिर्तामोड)

Copyright © 2018 / 2022 - Kapurinews.com All rights reserved