खानेपानी संस्थानको सम्पत्ति, दायित्व मुल्यांकन हुदै, संघर्ष समितिद्धारा विरोध

  • माघ ८, २०७६
  • ८७९ पटक पढिएको
  • कपुरीन्यूज
alt

धरान: धरान खानेपानी व्यवस्थापन बोर्डमा गाभिने भएपछि खानेपानी मन्त्रालयले धरानस्थित खानेपानी संस्थान, शाखा कार्यालयको सम्पत्ति तथा दायित्व र जिम्मेवारी हस्तान्तरणको लागि मुल्यांकन गर्न एक समिति गठन गरेको छ ।

मुल्यांकन समिति बुधबार संस्थानको सम्पत्ति मुल्यांकन गर्न धरान आएको समितिलाई संस्थानको पक्षमा रहेका धरानेहरुको एक टोलीले घेराउ गरेको थियो । मन्त्रालयले संघीय खानेपानी तथा ढल व्यवस्थापन आयोजना विराटनगरका प्रमुख चक्रपाणी शर्मा आचार्यको संयोजकत्वमा ५ सदस्यीय मुल्यांकन समिति गठन गरेको हो । समितिमा काठमाण्डौं उपत्यका खानेपानी व्यवस्थापन बार्डका इञ्जिनियर प्रतिनिधि, धरान उपमहानगरपालिकाका प्रतिनिधि, खानेपानी संस्थानको धरान शाखा प्रमुख सदस्य र खानेपानी मन्त्रालयका इञ्जिनियर मधुसुदन खनाल सदस्य सचिव रहेको छ ।

यही टोली बुधबार संस्थानको सम्पत्ति मुल्यांकन गर्न धरान आएको थियो । संस्थानको कार्यालय पुगेको टोलीलाई संस्थानको पक्षमा संघर्षरत धरानेहरुले घेराउ गरेको थियो । उनीहरुले संस्थानको संरचनालाई जर्बजस्ती मुल्यांकन गरेर हस्तान्तरण गरे कडा आन्दोलन गर्ने चेतावनी पनि दिए ।

संघर्षको नेतृत्व गरिरहेका हर्क साम्पाङले खानेपानी आयोजना असफल भएको दाबी गर्दै संस्थानलाई बोर्डमा हस्तान्तरण नगर्न माग गरे । उनले आयोजनाको नाममा खर्च भएको २२ मिलियन डलरको हिसाब सार्वनिक गर्न, लक्ष्य अनुसारको पानी उत्पादन र वितरण गरेर देखाउन पनि माग गरे । ‘संस्थान धरानबाट हटाउन हुदैन भन्ने धरानबासीहरुको माग छ, यो आवाजको सुनुवाई हुनुपर्छ कि पदैन ?’उनले भने । मुल्यांकन समितिका संयोजक शर्माले ४५ दिन भित्र संस्थानको सम्पत्ति, दायित्व मुल्यांकन गरेर प्रतिवेदन बुझाइसक्ने बताए । उनले कर्मचारीहरुको सेवा, सुविधाको बिषय पनि समेटिने र धरानबासीहरुको आवाज पनि समेट्ने बताए ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved