वराहक्षेत्र : मङ्गलवार माझी समुदायले १७ औं लदि पूजा मनाएका छन् । माझी जातिहरूले लदि पूजाको रूपमा कोसीमा आएर हरेक वर्षको फागुन महिनाको तेस्रो (माइली) मङ्गलवार मनाउने गर्दछन् । 
सोमवार राति घर-घरमा दीपावली गरेर मनाएका माझी जातिहरूले मङ्गलवार कोसी नदिको किनारमा जमघट भएर पूजा, आराधना र बलि दिएर इष्ट देवताको रूपमा कोसी पूजा मनाएका हुन् । वराहक्षेत्र नगरपालिका स्थित सिसौलीतार घाट सप्तकोसीमा आयोजना भएको पूजा नेपाल माझी उत्थान सङ्घ सुनसरीले आयोजना गरेको थियो।
आदिवासी जनजातिको रूपमा सूचीकृत माझी जातिहरूले लदि पूजाको रूपमा कोसीमा आएर हरेक वर्षको फागुन महिनाको तेस्रो मङ्गलवार मनाउने गरेका छन् । कोसीको अलावा नदी, तालमा पनि पूजा गरी आफ्नो पुर्ख्यौली पेसा नाऊ चलाउँदा र माछा मार्दा कुनै भवितव्य नहोस् भनेर भाकल गरी मनाउने पञ्चवली भैँसी, सुङ्गर, हाँस, कुखुरा र खसी दिइने प्रचलन रहेको नेपाल माझी उत्थान सङ्घ सुनसरी अध्यक्ष घनश्याम माझीले जानकारी दिए ।
वराहक्षेत्र-२ स्थित शिशौली घाटमा नेपाल माझी उत्थान सुनसरीले आयोजना गरेको १७ औं कोसी पूजामा सुनसरी आसमासबाट सयौँ माझी परिवारहरूको उपथिति रहेको थियो । माझी उत्थान सुनसरी अध्यक्ष घनश्याम माझीको अध्यक्षतामा सम्पन्न औपचारिक कार्यक्रमको प्रमुख अतिथि वराहक्षेत्र नगरपालिकाका प्रमुख रमेश कार्की माझीहरूले माछा मार्दा प्रयोग गर्ने जाल हानेर उद्घाटन रहेका थिए ।
फागुनको तेस्रो सोमवार दीपावली पूजा, मङलबार लदि पूजा र बुधवार मझेस्वा गरी तिन दिन मनाइने प्रचलन गरेको पूजाका पुजारी भीम बहादुर माझी बताउँछन् । पुजारी भीम बहादुरका अनुसार सप्तकोसी महारानीलाई सम्झेर सुनसरी, मोरङ, उदयपुर लगाएका क्षेत्रबाट माझी जातिहरू पूजा गर्न आउने गरेका छन् । उक्त माझी पूजाको अवसरमा वराहक्षेत्र नगरपालिकाले सार्वजनिक बिदा समेत दिएको थियो ।
ladi-pooja-2