_1735354691.gif)
धरान : ११ औँ संस्करणको युनाईटेड गोर्खा एकेडेमी कप २०८१ को उपाधि छात्रा तर्फ धरान आदर्श र छात्र तर्फ जनता मावि इटहरिले उपाधि जितेको छ ।
शनिवार धरान-१५ स्थित युनाईटेड गोर्खा एकेडेमी परिसरमा भएको जिल्ला स्तरीय अन्तर स्कुल छात्रा÷छात्र भलिबल प्रतियोगिताको फाइनल खेलमा छात्रा तर्फ पूर्वाञ्चल स्कुल तरहरालाई ३-२ को सेटमा पराजित गदै धरान आदर्शले उपाधि हात पारेको छ भने छात्र तर्फ बाल विकास पकलीलाई ३-१ को सेटमा पराजित गर्दै जनता मावि इटहरिले उपाधि हात पारेको हो ।
छात्रा तर्फ पहिलो सेट २३-२५ दोस्रो सेट २८-२६ तेस्रो सेट २८-२६ चौथो सेट १६-२५ पाचौं सेट १५-१३ अन्तरले जित निकाल्दै धरान आदर्श र छात्र तर्फ पहिलो सेट २५-१६ दोस्रो सेट २५-२१ तेस्रो सेट २१-२५ चौथो सेट २५-१७ले अन्तरले जित निकाल्दै जनता मावि इटहरिले युनाईटेड गोर्खा कप २०८१ को उपाधि हात पारेको छ ।
छात्रा/छात्र तर्फ उपाधि सँगै धरान आदर्श र जनता मावि इँटहरिले नगद २५/२५ हजार र छात्रा/छात्र तर्फको उपविजेताले नगद २०/२० हजार सहित मेडल ट्रफी र प्रमाणपत्र प्राप्त गरे भने तेस्रो पुरस्कार छात्रा/छात्र तर्फ डिपोट स्कुल धरान र पूर्वाञ्चल स्कुल तरहराले नगद १५/१५ हजार सहित ट्रफी, मेडल सहित प्रमाण पत्र प्राप्त गरे ।
खेलको म्यान अफ द म्याच छात्रा तर्फ धरान आर्दशकी प्रतीक्षा जोशी छात्र तर्फ जनता स्कुलका कमल श्रेष्ठ घोषित भए । उनीहरूले नगद १२ सय सहित मेडल प्राप्त गरे ।
व्यक्तिगत विधा तर्फ छात्रा /छात्र वेस्ट सर्भिस प्रजिता कार्की र लभ चौधरी,वेस्ट डिफेन्स दीक्षा कार्की र सत्यम लिम्बु ,वेस्ट सेटर प्रियङका मगर र सबिन राई ,वेस्ट स्पाईकार प्रतीक्षा जोशी र समीर गिरी,वेस्ट प्लेयर रमा श्रेष्ठ र कमल श्रेष्ठ, राईजिङ प्लेयर जेनिशा खनाल र बक हाङ राई भएका थिए । उनीहरूले नगद १२ सय सहित प्रमाणपत्र र ट्रफी प्राप्त गरेका छन् ।
प्रतियोगितामा २२ विद्यालयबाट ३७ टिम सहभागी रहेका थिए । प्रतियोगितामा २० वटा छात्र टिम र १७ वटा छात्रा टिम रहेको थियो ।
_1664681437.jpg)
