इटहरी : नेपाली काँग्रेसका महामन्त्री गगन थापाले १५औँ महाधिवेशनलाई लिएर भ्रमपूर्ण सन्देश प्रवाह नगर्न आग्रह गरेका छन् । विराटनगरमा आयोजित कार्यक्रमलाई सम्बोधन गर्दै थापाले अहिले क्रियाशील नवीकरणको काम भइरहेको हुँदा महाधिवेशनको सबै कुरा समयमै हुने बताए ।
समयमै महाधिवेशन हुँदैन भनेर गलत प्रचारबाजी भएकोमा आपत्ति जनाउँदै थापाले त्यस्तो मिस इन्फर्मेसन नफैल्याउन चेतावनी दिए । क्षेत्रमा आएको सदस्यता नवीकरणमा जोड दिन आग्रह गर्दै महामन्त्री थापाले सत्य तथ्य सूचना बुझेर मात्र अगाडि बढ्नुपर्ने बताए ।
तथ्यहरू निर्माण गरेर नहुने बताउँदै काँग्रेसले इतिहासदेखि हालसम्म गरेको कामको तथ्यहरू त्यसरी नै निर्माण भएको स्पष्ट पारे ।