धरान : हराइजन कप राष्ट्रिय बास्केटबल प्रतियोगिताको आज आइतबार भएको दोस्रो दिनको खेलमा विशाल मिलन केन्द्र काठमाडौँ र विराटनगर बास्केटबल एकेडेमी मोरङ विजयी भएको छ ।
विराटनगर बास्केटबल एकेडेमीले झापा बास्केटबल सङ्घलाई ८३-७२ अङ्कले पराजित गर्‍यो । विशाल मिलन केन्द्रले धरान हरियोलाई ७८-७४ अङ्कले हराउँदै विजय भयो ।
खेलको म्यान अफ दि म्याच  मोरङ विराटनगर बास्केटबल एकेडेमीका मनिष तामाङ र धरान  हरियो समूहका समीर राई घोषित भए ।
धरान-१७ स्थित श्री माविको बास्केटबल कोर्टमा भएको आइतबारको खेलमा विराटनगर बास्केटबल एकेडेमीले प्रत्येक क्वाटरमा २५-२०, २०-१८ अङ्क जोडेको थियो । विशाल मिलन केन्द्रले १४-२४, २६-१४ अङ्क जोडेको थियो ।
प्रतियोगिता चैत १२ गतेसम्म सञ्चालन हुनेछ । प्रतियोगितामा ६ वटा टिमहरू त्रिभुवन आर्मी, विशाल मिलन केन्द्र काठमाडौँ, हाउण्ड बास्केटबल, मोरङ बास्केटबल सङ्घ, झापा बास्केटबल सङ्घ, धरान हरियो र धरान कालो सहभागी छन् ।
प्रतियोगिताको विजेताले ट्रफी सहित नगद १ लाख ५१ हजार १ सय ११ रुपैयाँ र उपविजेताले ७५ हजार रुपैयाँ प्राप्त गर्ने छन् ।