धरान : भारतबाट नेपाल आउँदै गरेका भारत किसनगञ्ज-२ का २३ वर्षीय सलमलाई आइतबार प्रहरीले लागुऔषध ब्राउनसुगर सहित पक्राउ गरेको छ ।

कोशी प्रदेश प्रहरी कार्यालयले जनाए अनुसार उनलाई झापाको गौरिगञ्ज गापा-१ भन्सार चोकमा इलाका प्रहरी कार्यालय झिलझिको प्रहरी टोलीले पक्राउ गरेको हो ।

उनको साथबाट प्रहरीले ब्राउनसुगर ४ ग्राम ५५ मिलिग्राम बरामद गरेको छ ।

यसैगरी विराटनगर-१५ बाट प्रहरीले ब्राउनसुगर सहित केराबारी-७ का २३ वर्षीय सनम राई र २७ वर्षीय रुपेश तामाङलाई पक्राउ गरेको छ ।

इलाका प्रहरी कार्यालय रानी र लागुऔषध नियन्त्रण ब्यूरो विराटनगरको प्रहरी टोलीले पक्राउ गरेको उनीहरूबाट २ ग्राम ४७ मिलिग्राम ब्राउनसुगर बरामद भएको छ ।

उदयपुरको त्रियुगा-१ खैजनपुरका २२ वर्षीय सन्तोष चौधरीलाई प्रहरले प्रतिबन्धित औषधि सहित पक्राउ गरेको छ ।

जिल्ला प्रहरी कार्यालय उदयपुरको प्रहरी टोलीले पक्राउ गरेको चौधरीबाट प्रतिबन्धित औषधी ७ एम्पुल र २५ ग्राम गाँजा बरामद भएको छ ।