धरान : स्कुल डान्स आइडल २०८२ नवौँ संस्करणको फाइनल प्रतिस्पर्धा पुस १४ गते धरानमा हुने भएको छ । आयोजक युनाइटेड डान्स एकेडेमी,धरान–९ ले शनिवार पत्रकार सम्मेलनमा उक्त जानकारी दिएको हो ।

फाइनल प्रतियोगितामा धरानका १० वटा विद्यालयबाट १० जना प्रतिस्पर्धीले नृत्य कौशल प्रस्तुत गर्ने अध्यक्ष सन्तोष तामाङले बताए । फाइनल प्रतिस्पर्धा धरान–८ स्थित सभागृहमा हुनेछ ।

प्रतियोगीहरूमा सियोन स्कुलकी प्रयुसा राई, युनाइटेड गोर्खाकी दीपशिखा राई, होलिल्यण्डका हिमाल तामाङ, शिक्षा सन्देशकी आयुष्मा कटुवाल र नुयङ्मी राई, भिक्टोरी रेसिडेन्सियल स्कुलका टिका मगर, पर्वत स्कुलकी सुनैना सेञ्चुरी, सृजना बोर्डिङकी इशा राई छन् । यस्तै विष्णु मेमो रियल स्कुलकी रूविना लिम्बू, युएन नवोदय स्कुलकी रूविना लिम्बू रहेकी छन् ।

फाइनलमा उत्कृष्ट प्रस्तुतिका आधारमा विजेता घोषणा गरिनेछ । विजेताले नगद १ लाख, दोस्रोले ५० हजार र तेस्रोले २५ हजार पुरस्कार प्राप्त गर्ने आयोजकले जानकारी दिएको छ ।