धरान : फागुन २१ गते हुने प्रतिनिधिसभा निर्वाचनका लागि मंगलबार सुनसरी निर्वाचन क्षेत्र नम्बर १ मा हालसम्म चार जनाले उम्मेदवारी मनोनयन दर्ता गराएका छन्।

निर्वाचन अधिकृतको कार्यालयका अनुसार मनोनयन दर्ता प्रक्रिया बिहान १० बजेदेखि बेलुका ५ बजेसम्म सञ्चालन हुनेछ।

हालसम्म उम्मेदवारी दर्ता गराउनेहरूमा नेपाल मजदुर किसान पार्टीबाट महेश श्रेष्ठ, स्वतन्त्र उम्मेदवार देउमान लिम्बू, मंगोल नेशनल अर्गनाइजेसनबाट राजेन्द्र गुरुङ तथा श्रम संस्कृती पार्टीबाट हर्कराज राई (हर्क साम्पाङ) रहेका छन्।

मनोनयन दर्ताको अन्तिम समयसम्म थप उम्मेदवारहरूले पनि उम्मेदवारी दर्ता गराउने सम्भावना रहेको निर्वाचन कार्यालयले जनाएको छ।