धरानमा लकडाउन हुन सक्ने, ११ बजे सर्वदलीय बैठक बस्दै

  • श्रावण १५, २०७७
  • ३८९१ पटक पढिएको
  • कपुरी न्यूज
alt

धरान :  धरानमा पनि समुदाय स्तरमा कोरोना सङ्क्रमण फैलिएको आशङ्का सगैं लकडाउन तथा थप तयारीकालागी ११ बजे सर्वदलीय बैठक बस्ने मेयर तिलक राईले बताए ।

धरान उपमहानगरपालिकामा हिजो पनि कोभिड-१९ रोकथाम नियन्त्रण र उपचार सम्बन्धी धरानका सुरक्षा प्रमुखहरू, इलाका प्रशासन कार्यालयका प्रमुख र बिपी कोइराला स्वास्थ्य विज्ञान प्रतिष्ठानका चिकित्सक सहितको सुरक्षा बैठकले धरानमा उच्च सतर्कता अपनाउने निर्णय गरेको थियो ।

बैठकले धरान प्रवेश गर्ने तीनकुने नाकामा मास्क वितरण गर्ने र अनिवार्य इन्ट्री गराउने, धरान बजार क्षेत्रमा सामाजिक दुरी कायम गराउने, सर्वसाधारणलाई अनिवार्य मास्क प्रयोग गर्न सुनसरी उद्योग वाणिज्य सङ्घले प्रचार प्रसार गरी सचेतना फैलाउने पनि निर्णय गरेको थियो ।

हिजो बसेको बैठकले गरेको निर्णयले मात्रै नपुग्ने भए पछि आज फेरी सिडिओ, जिल्ला प्रहरी प्रमुख सहितको सर्वदलीय बैठक बस्ने धरान उपमहानगरपालिकाका मेयर तिलक राईले जानकारी दिए ।

आज बस्ने सर्वदलीय बैठकले धरान उपमहानगरपालिकामा कोरोना सङ्क्रमण समुदाय स्तर सम्म फैलिएको आशङ्का गरिएकोले फेरि धरान उपमहानगरपालिका क्षेत्रमा लकडाउन समेत हुन सक्ने मेयर राईले बताए ।

धरान १३ मा ट्राभल हिस्ट्री नभएका एक युवामा कोरोना सङ्क्रमण भए सँगै धरानमा पनि समुदाय स्तरमै कोरोना सङ्क्रमण भइसकेको हुनसक्ने भन्दै यस विषयमा सर्वदलीय बैठकले निर्णय गर्ने बताइएको छ ।

सम्बन्धित समाचार

सम्पर्क

न्यूजईस्ट मिडिया प्रा. ली.

धरान - १२, महेन्द्र पथ, सुनसरी, नेपाल

  • कम्पनी दर्ता प्रमाणपत्र नं.: १७३२५२/०७४/०७५
  • स्थायी लेखा नं.: ६०६९०३०७३
  • सूचना तथा प्रशारण बिभाग दर्ता नं: १४०४/०७५-७६

विज्ञापनका लागि

९८४२२७५७३०, ९८०२०७५७३०

Email: [email protected]

[email protected]

  • अध्यक्ष तथा प्रबन्ध निर्देशक मात्रिका प्रसाद नेपाल
  • कार्यकारी सम्पादक भैरब आङ्ला
  • संवाददाता संजिता धमला (धरान)
  • केशवराज भण्डारी (बिर्तामोड)

Copyright © 2018 / 2020 - Kapurinews.com All rights reserved