धरान : महिला अधिकारको अन्तर्राष्ट्रिय दिवस शुक्रवार धरानमा बाल क्लबले पनि पुनर्स्थापना केन्द्रका आश्रीतहरुलाई खाजा खुवाउँदै मनाएको छ ।
सुन्नीमा सेकेन्डरी स्कुल, धरान-८ का विद्यार्थीहरूको क्लब सुन्नीमा चाइल्ड क्लबले धरान-१ स्थित पुनर्स्थापना केन्द्रका आश्रीतहरुलाई दिउँसोको खाजा खुवाउँदै मनाएका हुन ।
११४ औ अन्तर्राष्ट्रिय महिला दिवस मनाउन उनीहरूले पुनर्स्थापना केन्द्रका २६ जना बालबालिकालाई खाजा खुवाएका हुन । अन्तर्राष्ट्रिय महिला दिवस बारे विद्यार्थी बालबालिकालाई ज्ञान दिन उनीहरूकै सहभागितामा महिला दिवस मनाइएका क्लब संयोजक शिक्षिका नम्रता तामाङले बताइन् ।
उनका अनुसार कार्यक्रमका लागि विद्यार्थीले टिफिन खर्च वाट बचाएको रकम र शिक्षक शिक्षिकहरुवाट आर्थिक सङ्कलनबाट आश्रीतहरुकालागि खाजा जुटाइएको हो ।
२०७६ साल देखी सुरु भएको क्लबका विद्यार्थीहरू पहिलो पटक बाह्य अतिरिक्त क्रियाकलापमा सहभागी भएको सुन्नीमा चाइल्ड क्लबकी अध्यक्ष आस्था राईले बताइन् । क्लबमा १३ सदस्यीय कार्यसमिति छ ।
सुन्नीमा स्कुलमा २०३९ साल देखी सञ्चालन भएको हो । स्कुलमा नर्सरी देखि १० कक्षा सम्म पढाई हुन्छ । कार्यक्रममा पुनर्स्थापना केन्द्रका भिमकुमार राईले क्लबलाई खाजाका लागि धन्यवाद दिए ।
