धरान : इलाका प्रहरी कार्यालय धरानले तिहारको समयमा जुवा तास खेलिरहेका २२ जना जुवाडेलाई पक्राउ गरेको छ भने ४ जना फरार रहेको जानकारी दिएको छ ।

धरान उपमहानगरपालिकाका विभिन्न ठाउँबाट ३ समूहलाई प्रहरीले पक्राउ गरेको इलाका प्रहरी कार्यालय धरानले जनाएको छ ।

पक्राउ परेका ३ जुवाडे समूह धरान १ आदर्श मार्गबाट ७ जना, धरान १ महानन्द मार्गबाट १४ जना, धरान-१५ श्याम चोक एरियाबाट ५ जना जुवाडे रहेका थिए । पक्राउ पर्ने ३ समूहबाट १ लाख ५६ हजार ११५ रुपैयाँ बरामद भएको धरानका डिएसपी प्रकाश जबेगुले जनाए ।

३ समूह मध्येबाट १५ जना धरौटीमा छुटेका छन् भने ७ जनालाई तारेखमा अनुसन्धानमा छोडिएको र ४ जना फरार रहेको डिएसपी जबेगुले बताए ।