धरान : धरान-१४ विजयपुरका २४ वर्षीय युवा सुशील भुजेल निषेधित लागुऔषधी सहित मङ्गलवार विराटनगरमा पक्राउ परेका छन् ।
लागुऔषध नियन्त्रण ब्युरो विराटनगरको प्रहरी टोलीले उनलाई विराटनगर-१५ ढाटबाट पक्राउ गरेको कोशी प्रदेश प्रहरी कार्यालय विराटनगरले जनाएको छ ।
उनको साथबाट निषेधित लागुऔषधी लुपिजेसिक, एभिल र डाइजेपाम समेत गरी १५६ एम्पुल प्रहरीले नियन्त्रणमा लिएको छ ।
यसैगरी लागुऔषध नियन्त्रण ब्युरो काँकडभिट्टाको प्रहरी टोलीले तनहुँ व्यास नगरपालिका-१० का २८ वर्षीय उत्सव पौडेल, काठमाडौँ टोखा-३ का ४० वर्षीय अर्जुन राज पाण्डेलाई लागुऔषध ब्राउनसुगर सहित मेचीनगर-६ बाट पक्राउ गरेको छ ।
उनीहरूका साथबाट प्रहरीले ८ ग्राम ६१० मिलिग्राम ब्राउनसुगर बरामद गरेको छ ।
यसैबिच रौतहट गरुडा-५ का २१ वर्षीय रमोध राय यादवलाई ८ ग्राम ७९० मिलिग्राम ब्राउनसुगर सहित लागुऔषध नियन्त्रण ब्युरो काँकडभिट्टाको प्रहरी टोलीले पक्राउ गरेको छ ।
यसैगरी जिल्ल प्रहरी कार्यालय मोरङको प्रहरी टोलीले कटहरी-१ का ४१ वर्षीय गोपालकुमार राजवंशीलाई ५ केजी र विराटनगर-४ का ६२ वर्षीय सहरुद्दिन मियाँलाई ३ केजी गाँजा सहित पक्राउ गरेको छ ।
विशेष सूचनाको आधारमा प्रहरीले उनीहरूको घरमै छापा मारे गाँजा बरामद गरेको हो ।