धरान : प्रहरीले उदयपुरको बेलका-२ का २० वर्षीय सुजन खड्कालाई आइतबार विराटनगरमा लागूऔषध ब्राउनसुगर सहित पक्राउ गरेको छ ।

उनको साथबाट ११ ग्राम ४ मिलिग्राम ब्राउनसुगर बरामद भएको कोशी प्रदेश प्रहरी कार्यालयले जनाएको छ ।

आइतबारै इलाका प्रहरी कार्यालय रानी र लागूऔषध नियन्त्रण व्यूरोकाे प्रहरी टोलीले विराटनगर-१५ मोरङ केराबारी-३ का २४ वर्षीय उत्तम याक्खा, सुन्दरहरैंचा-५ का ४५ वर्षीय मातृका सुवेदीलाई ब्राउनसुगर सहित पक्राउ गरेको छ ।

प्रहरीले जनाए अनुसार उनीहरूको साथबाट २ ग्राम ५३ मिलिग्राम लागूऔषध ब्राउनसुगर बरामद भएको छ ।