धरान : स्ववियु चुनावमा धरान स्थित महेन्द्र बहुमुखी क्याम्पसमा सभापति प्रशान राईको नेविसंघ र अनेरास्ववियुको संयुक्त प्यानल विजयी भएको छ ।
यसैगरी पूर्वाञ्चल इन्जिनियरिङ क्याम्पसमा क्याम्पसमा नेविसंघका सभापति सागर बस्याल विजयी भएका छन् ।
केन्द्रीय प्रविधि क्याम्पस हात्तीसारमा क्रान्तिकारी समर्थित सभापतिका स्वतन्त्र प्रत्याशी पेशलराज कार्की विजयी भएका छन् । 
महेन्द्र क्याम्पस 
निर्वाचन परिणाम अनुसार महेन्द्र क्याम्पसमा स्ववियु सभापति नेविसंघका प्रसान राई, सचिव अनेरास्ववियुका पवन बस्नेत र कोषाध्यक्षमा नेविसंघका आलोक लिम्बू विजयी भएका छन् ।
प्रसान राईले १२९१ मत प्राप्त गरे । निकटतम प्रतिद्वन्द्वी समाजवादी विद्यार्थी युनियनका युवराज राई अलौकिकले ६०० मत प्राप्त गरे । उनी यसअघिका स्ववियु सभापति हुन । अखिल क्रान्तिकारीका तेजबहादुर राईले ९० मत गरे ।
सचिव निर्वाचित पवन बस्नेतले ११९३ मत प्राप्त गरे । निकटतम प्रतिद्वन्द्वी समाजवादी विद्यार्थी युनियनकी विनीता लिम्बूले ६७२ मत प्राप्त गरिन् । अखिल क्रान्तिकारीका एलन खड्काले १२० मत प्राप्त गरे ।
कोषाध्यक्षमा निर्वाचित आलोक लिम्बूले १३०४ मत गरे । निकटतम प्रतिस्पर्धी समाजवादी विद्यार्थी युनियनका जितेन दुमि राईले ५३५ मत प्राप्त गरे । अखिल क्रान्तिकारीका कञ्चन ल्वागुनले १३१ मत प्राप्त गरिन् ।
संयुक्त प्यानलबाट सदस्यमा निर्वाचित ज्ञानेश राईले १२५५, निरज राईले १२८६, अस्मिन लिम्बूले १२७९, स्मृति राईले १२५४, देवानी राईले १२४७, विशाल लिम्बूले १२५९, विराज श्रेष्ठले १२१३ र म्हार म्हेन्दो तामाङले १२२२ मत प्राप्त गरे ।
महेन्द्र क्याम्पसमा कुल ४ हजार २ जना मतदाता मध्ये २१५० मत खसेको थियो ।
पूर्वाञ्चल इन्जिनियरिङ क्याम्पस
पूर्वाञ्चल इन्जिनियरिङ क्याम्पसमा नेविसंघका सभापति सागर बस्याल, सचिवमा अनेरास्ववियुका प्रमिशा न्यौपाने र कोषाध्यक्षमा नेविसंघका यामनाथ गुरागाईँ निर्वाचित भएका छन् ।
अध्यक्ष निर्वाचित बस्यालले ६६८ मत प्राप्त गरे । उनका निकटतम प्रतिद्वन्द्वी समाजवादी विद्यार्थी  युनियनका गणपति झाले ४४६ मत प्राप्त गरे । अनेरास्ववियुका यृश्वर बन्जाडेले ३५२, अखिल क्रान्तिकारीका करण मगरले १५० मत प्राप्त गरे ।
सचिव निर्वाचित अनेरास्ववियुका प्रमिशा न्यौपानेले ५८० मत प्राप्त गरिन् । निकटतम प्रतिद्वन्द्वी समाजवादी विद्यार्थीका अभिषेख यादवले ५६३ मत प्राप्त गरे ।
कोषाध्यक्ष निर्वाचित नेविसंघका यामनाथ गुरागाईँले ६७४ मत प्राप्त गरे । निकटतम प्रतिद्वन्द्वी अनेरास्ववियुका प्रदीप राज तिवारीले ५३१ मत प्राप्त गरे ।
सदस्य निर्वाचित हुनेहरू नेविसंघका आशिष् ढकालले ७७३, अनीश राजभण्डारीले ७१४, जयन्त धामीले ७८१, आयुस खतिवडा ५९५, विद्या भण्डारीले ५८६ अनेरास्ववियुका अभिषेक कोइरालाले ६२९, आयुष्मा ढकालले ५६६ मत प्राप्त गरिन् ।
इन्जिनियरिङ क्याम्पसमा कुल मतदाता सङ्ख्या २३६२ मध्ये १९८४ सय मत  खसेको थियो ।
केन्द्रीय प्रविधि क्याम्पस  
केन्द्रीय प्रविधि क्याम्पस धरानमा क्रान्तिकारी समर्थित स्वतन्त्र प्यानलका पेशलराज कार्की सभापतिमा विजयी भए । 
सचिवमा नेविसंघका विश्वेवर प्रसाद बडू, कोषाध्यक्षमा क्रान्तिकारीका नामसाङ राई निर्वाचित भएका छन् । 
अध्यक्ष निर्वाचित पेशलराज कार्कीले ४१३ मत प्राप्त गरे । उनका निकटतम प्रतिद्वन्द्वी नेविसंघ-अनेरास्ववियुको गठबन्धनका अनिरुद्ध श्रेष्ठ (कृश)ले ३६४ मत प्राप्त गरे ।
सचिव निर्वाचित विश्वेवर प्रसाद बढुले ४२७ मत प्राप्त गरे । निकटतम प्रतिद्वन्द्वी स्वतन्त्रका विकास तामाङ घिसिङले ३५० मत प्राप्त गरे । कोषाध्यक्ष निर्वाचित क्रान्तिकारीका नामसाङ्ग राईले ४०८मत प्राप्त गरे । निकटतम प्रतिद्वन्द्वी अनेरास्ववियुका भुवन शाह शङ्करले ३५९ मत प्राप्त गरे ।
निर्वाचित सदस्यहरू अस्मिता सुवेदीले ४२३, निशन पराजुलीले ४०७, राजकुमार कठेतले ४०५, दिव्या रायमाझीले ४०२, बरदान राईले ३७२, हाङसु लिम्बुले ३६८, निजल तामाङले ३६६ मत प्राप्त गरे ।
केन्द्रीय प्रविधि क्याम्पसमा कुल मतदाता सङ्ख्या ९६२ मध्ये ७८५ मत खसेको थियो ।