इटहरी : आइसिनेमाले परिचित इटहरीको पहिलो व्यापारिक कम्प्लेक्स इटहरी मल एनआइसी एसिया बैङ्कले खाली गराएको छ ।
इटहरी मलका मालिक रेवती रमण दुलालले १४ करोड ऋणको साँवा ब्याज भुक्तानी गर्न नसकेपछि बैकले आफ्नो नाममा ल्याएको सम्पत्ति सोमबार खाली गराएको हो । 
कित्ता नम्बर ५००, ८३०, ८३१, २७९, र ४९८ को एक कट्ठा १३ धुर जग्गा सहित ७ तले भवन बैङ्कले प्रादेशिक कार्यालय राख्नेगरि स्थिर सम्पत्तिको रूपमा लिएको हो ।
बैङ्कको नाममा रहेको सम्पत्ति खाली गराउन बारम्बार ताकेता गरे पनि हालसम्म उपभोग गर्न नपाएको भन्दै एनआइसी एसिया बैङ्कले सोमबार खाली गराएको हो । 
इटहरी मलको नाममा लिइएको ऋण तिर्न नसकेपछि दुलाल समस्यामा परेका हुन् । राजनीतिक पहुँचको आधारमा उनले लामो समयदेखि लिलामी प्रक्रिया टार्दै आएका थिए ।
पछि बैङ्कको लिलामी प्रक्रिया सुरु गरेको र कोही पनि बोलपत्रमा सहभागी नभएपछि बैङ्कले आफ्नै नाममा सम्पत्ति राखेको हो ।
सम्पत्ति बैङ्कको नाममा आएको लामो समय बितिसक्दा समेत भवन खाली नगराएपछि सुरक्षा निकायको सहयोगमा खाली गराइएको छ ।