धरान : धरान उपमहानगरपालिका–११ निवासी ३५ वर्षीय रुपक राईको खुकुरी प्रहारबाट मृत्यु भएको छ।
मङ्गलवार साँझ भाइ नाता पर्ने ३३ वर्षीय रविन राईले खुकुरी प्रहार गर्दा रुपक राईको घटनास्थलमै मृत्यु भएको इलाका प्रहरी कार्यालय धरानका डिएसपी भिषणबाबु राईले जानकारी दिए।
डिएसपी राईका अनुसार खुकुरी प्रहार गर्ने रविन राईलाई साँझ करिब ७ बजे बिपी कोइराला स्वास्थ्य विज्ञान प्रतिष्ठान, धरानबाट नियन्त्रणमा लिइएको हो।

घटनाको कारणबारे थप अनुसन्धान भइरहेको र आवश्यक कानुनी प्रक्रिया अघि बढाइएको प्रहरीले जनाएको छ।