धरान : विश्व महिनावारी दिवसको अवसरमा शनिवार महिनावारी सम्बन्धी सचेतना कार्यक्रमका बिच किशोरीहरूलाई प्याड वितरण गरिएको छ ।
महिनावारी दिवस परिवार नियोजन सङ्घले तथा बाल सञ्जालको सहकार्यमा मनाएको हो । कार्यक्रममा ६० जना किशोर, किशोरी जनप्रतिनिधि, शिक्षकहरू सहभागी थिए ।
कार्यक्रम सङ्घको युवा संयोजक संस्कृति मास्केको सभापतित्वमा भएको थियो । प्रमुख अतिथि धरान उपमहानगरपालिका कार्यपालिका सदस्य साबित्रा परियार थिइन् ।
उनले महिनावारी लुकाउने विषय नभई स्वास्थ्यसँग जोडिएको प्राकृतिक प्रक्रिया भएकाले यसबारे खुला छलफल र सचेतना बढाउनु पर्नेमा जोड दिइन् ।
