धरान : नेपालीहरूको महान् पर्व तिहारको अवसरमा मखमली फुल्यो बोलको देउसी भैलो गीतको म्युजिक भिडियो सार्वजनिक भएको छ।

दिलेन्द्र मुकारुङ राईको शब्द, मोहन मगरको सङ्गीत रहेको यस गीतको सङ्गीत संयोजन रोशन वान्तावा राईले गरेको हुन । यस गीतमा गायिकाहरू अनुका राई, सुशीला राई, प्रेमकला राई, परिवुङ राई र गायकमा हिमाल राई, भुवन मगर, निर्मल मगर, वीरेन्द्र मालाकारले स्वर दिएका छन्।

मिरा साउण्डमा रेकर्ड भएको, लैवरी लोक सांस्कृतिक समाजको युट्युब च्यानलबाट प्रशारित रहेको यस गीतका रेकर्डिस्टमा सुवास कुथुमी राई, मिक्सिङमा अनिल अधिकारी रहेका छन्। यस म्युजिक भिडियोका निर्देशक मोहन मगर हुन भने क्यामेरा र सम्पादनमा सुमन मगर रहेका छन्।

अभिनय गर्ने कलाकारमा जीवन खडका,हिमाल राई,भुवन मगर,निर्मल मगर,वीरेन्द्र मालाकार,सुशीला राई,अनुका राई,प्रेमकला राई,परिवुङ राई, दिलेन्द्र मुकारुङ राई, रोशन वान्तावा, इशा आङदेम्बे, बिमि योङ राई,हरि मगर रहेका छन्।