विराटनगर : त्रिभुवन विश्वविधालयबाट सम्बन्धन प्राप्त विराट क्याम्पस स्कुल अफ म्यानेजमेन्ट स्टडीज सोम्स कलेजले आफ्नै कलेजमा अध्ययनरत छात्र सुमन खवासलाई आर्थिक सहयोग गरेको छ।
छात्र सुमन खवास विगत तिन महिना देखि आन्द्राको क्यान्सरबाट पीडित थिए बिबिएस दोस्रो वर्षमा अध्ययनरत सुमनको पारिवारिक अवस्था कमजोर रहेको साथै उपचारको क्रममा परिवार समेत ऋणको भारमा परिरहेको पीडितकी आमाले बताइन् । 
सुमनकी आमा पाठेघरको क्यान्सर भएको र निकै ठुलो खर्च र लामो समय सम्म उपचार गरी अहिले ठिक भएको आमा रिन्कि देवी खवासले बताइन ।
विराटनगर ६ व्रम्हपूरा बसोबास गर्ने सुमनको ५ जनाको परिवारमा बुवा ट्याक्टर चालकको रूपमा काम गर्छन्। न्यूनतम आम्दानीबाट दुःखले कमाएको रकमले बिहान बेलुका छाक टार्न समेत खवासको परिवारमा समस्या छ।
सामाजिक कार्य तथा सानो भए पनि सहयोग हुन्छ भन्ने अभिप्रायले सोम्स कलेजमा अध्ययनरत छात्र,छात्रा तथा कलेज प्रशासन बाट रु ५०,००० नगद पीडितको घरैमा गएर दिएको कलेजका डाइरेक्टर रोशन घिमिरेले बताए । उक्त रकम हस्तान्तरण गर्न कलेजमा अध्ययनरत बिध्यार्थिहरु, क्याम्पस प्रमुख लगायत सञ्चालकहरू समेत पीडितको घरमा पुगेर मनोबल उच्च राख्न सुझाएका थिए ।