धरान : सिरियामा इरानको वाणिज्य दुतावासमा सोमवार भएको इजरायली आक्रमणमा इरानी एलिट कुर्द फोर्सका कमाण्डर व्रिगेडियर जनरल मोहम्मद रेजा जाहेदी, डेपुटी व्रिगेडियर जनरल मोहम्मद हादी हाजी रहीमी सहित ७ अधिकारीको मृत्यु भएको छ ।
सिरियाको राजधानी दमिश्क स्थित वाणिज्य दुतावासमा भएको आक्रमणमा इरानी अधिकारीहरूको मृत्यु भएको इरानको रिभ्युलेशनरी गार्डले जनाएको बीबीसी समाचारमा उल्लेख छ ।
इरानको शीर्ष कमाण्डर मध्ये एक ब्रिग्रेडियर जनरल मोहम्मद रेजा जाहेदीको हत्या इरान र इजरायल बिच लक्ष्यीत हत्याको इतिहासको शृङ्खलाको रूपमा हेरिएको छ । तर इजरायलले यस घट्नाको बारेमा कुनै प्रतिक्रिया दिएको छैन ।
इजरायली आक्रमणको इरान सिरिया सरकारले निन्दा गरेको छ । हवाई हमलामा इरानी दूतावासको नजिक रहेको भवनहरू समेत क्षतिग्रस्त भएकोले आक्रमण पूर्व निर्धारित र शक्तिशाली भएको देखिएको छ ।
इजरायली सेनाले भने विदेशी मिडियाको रिपोर्ट र टिप्पणीमा कुनै प्रतिक्रिया नजनाउन् बताएको छ । तथापि इजरायलले केही वर्ष अघि सिरियामा सैयौं लक्ष्यीत आक्रमणमा जिम्मेवार भएको स्वीकार गरेको छ ।
उक्त हमलाहरू इरान र इरानसँग जोडिएको सशस्त्र समूहलाई तालिम दिने रिभ्युलेशनरी गार्ड लक्ष्यीत भएको बताउँदै आएको छ ।
गतः अक्टुबरमा इजरायल-गाजा युद्ध सुरु भएपछि इरान समर्थित समूह हिजबुल्लाहले लेबनान र सिरियासँग जोडिएको उत्तरी इजरायली सिमानमा हमला गरेपछि त्यसको जवाफमा इजरायली जवाफी कारबाही बढेको छ ।