_1749430366.gif)
धरान : सुनसरी उद्योग वाणिज्य सङ्घको विधानमा संशोधन भए लगत्तै कार्यसमितिका पदाधिकारी चयनले पूर्णता पाएको छ । सङ्घको निर्वाचन भएतापनि पदाधिकारीहरूको चयन हुन बाँकी थियो ।
मङ्सिर १ गते भएको विशेष साधारण सभाले सङ्घको विधानमा संशोधन गरेपछि सोही अनुसार पदाधिकारी चयन भएको अध्यक्ष गोपाल श्रेष्ठले बताए ।
उनको अध्यक्षतामा आज सोमवार बसेको कार्यसमिति बैठकबाट विभिन्न पदमा पदाधिकारी चयन भएका हुन।
बैठकले वरिष्ठ उपाध्यक्षमा महेन्द्र प्रधान, प्रथम उपाध्यक्षमा रामस्वरुप शर्मा, द्वितीय उपाध्यक्ष किसन मास्के, तृतीय उपाध्यक्षमा राजेश अग्रवाललाइ चयन गरेको छ ।
उद्योग सचिवमा नारायण लिम्बु, वाणिज्य सचिवमा नवीन राजभण्डारी प्रचार तथा सङ्गठन सचिवमा विष्णु बराल, महिला सचिवमा वर्षा अग्रवाल, सह-कोषाध्यक्षमा राजु साह चयन भएका छन् ।
महासचिवमा प्रभाव खतिवडा र कोषाध्यक्षमा शैलेसकुमार आचार्य प्रमोद यसअघि नै मनाेनित भइसकेका छन् ।
अध्यक्ष श्रेष्ठले भने ‘समय अनुकूल विधान संशोधन गर्नु जरुरी थियो, सबैको सहयोगले सफल भयौँ ।’ संशोधित विधान अनुसार पदाधिकारीहरू चयन भएको उनले बताए ।
संशोधित विधान अनुसार कार्यसमिति सदस्य पनि मनोनीत गरिएको छ । मनोनीत सदस्यहरूमा उद्योग सदस्य महिलामा सबिता चाम्लिङ राई, वाणिज्य सदस्य महिलामा ज्ञान शोभा शाक्य, ठुला उद्योगबाट सञ्जय अटल र वस्तुगत सदस्यमा प्रदीप गहतराज छन् ।
कार्यसमिति सदस्यमा काजी गिरी, सन्दीप शाक्य, रमा चौहान, मनिष खड्गी र सन्तोष विक मनोनीत भएका छन् ।
विज्ञ सदस्यमा शुभेच्छा अधिकारी र प्रकाश जैन डाँगा चयन भएका छन् ।
