धरान : बुढासुब्बा गोल्डकप फुटबलको २६औँ संस्करण आयोजक धरान फुटबल क्लब र जर्जियन क्लब भारत बिचको खेलबाट सुरु हुने भएको छ ।
अन्तर्राष्ट्रिय आमन्त्रण फुटबल प्रतियोगिताको बिहीबार धरान रङ्गशालामा हुने उद्घाटन खेल नेपालबाट धरान भर्सेस भारतको जर्जियन क्लब बिच हुने भएको हो ।
धरान फुटबल क्लब घरेलु खेलाडी सहित विजेता बन्ने कन्फिडेन्सका साथ मैदानमा उत्रिने क्लबका अध्यक्ष प्रताप तामाङले बताए । जर्जियन क्लब भारत भने पहिलो पटक बुढासुब्बा गोलडकपका लागि धरान आउने भएको छ ।
गोल्डकपको २६ औं संस्करणमा १० वटा टिमले प्रतिस्पर्धा गर्ने आज मङ्गलवार रङ्गशालामा आयोजित पत्रकार सम्मेलनमा जानकारी दिइएको छ । यस अघि सम्म प्रतियोगिता ८ वटा टिमबाट सञ्चालन हुँदै आएको थियो ।
पत्रकार सम्मेलनमा गोल्डकपको सबै तयारी पुरा भएको अध्यक्ष तामाङले बताए । २६ वर्ष अघि २०५५ देखी सुरु भएको बुढासुब्बा गोल्ड कप फुटबल काठमाडौँ उपत्यका बाहिर पहिलो अन्तर्राष्ट्रिय आमन्त्रण प्रतियोगिता समेत हो ।
प्रतियोगिता धरान–१६ स्थित धरान रङ्गशालामा शनिवार माघ २२ देखी सुरु हुने गोल्ड कप फागुन २ गते सम्म सञ्चालन हुनेछ ।
२६ औँ बुढासुब्बा पहिलो पटक नयाँ टिमको रूपमा सात दोबाटो यूथ क्लब ललितपुर र लालिगुरास ए पोखरा सहभागी हुने बताइएको छ ।
सहभागी टिमहरूमा एनआरटी काठमाडौँ, लिग च्याम्पियन चर्च ब्वाईज क्लब काठमाडौँ, नेपाल पुलिस क्लब काठमाडौँ, रोयल थिम्पु क्लब भुटान, जर्जियन क्लब भारत, लालिगुरास ए पोखरा ,सात दोबाटो यूथ क्लब ललितपुर, प्लानिङ ब्वाईज क्लब काठमाडौँ, झापा ११ झापा, धरान फुटबल क्लब धरान छन् ।
गोल्ड कप विजेतालाई नगद १० लाख रुपैयाँ र उपविजेताले नगद ५ लाख रुपैयाँ पुरस्कार धरान उपमहानगरपालिकाले प्रयोजन गर्ने अध्यक्ष तामाङले बताए ।
उत्कृष्ट खेलाडीलाई यसपालि स्कुटर प्रदान गरिने छ । ३ लाख ५० हजार मूल्यको डियो स्कुटर होन्डा कम्पनीले ५० प्रतिशत छुटमा प्रायोजन गरेको बताइएको छ । प्रत्येक खेलको म्यान अफ द म्याचलाई नगद १० हजार प्रदान गरिने छ ।
खेलाडीहरूलाई २६ वटा केलमीको जर्सी गुरुङ विविक्युले प्रदान गरेको छ ।
