इटहरी : नेपाल उद्योग वाणिज्य महासङ्घ कोशी प्रदेशको अध्यक्षमा राजेन्द्र राउत निर्विरोध निर्वाचित भएका छन् ।
बिहीबार झापाको बिर्तामोडमा सम्पन्न अधिवेशनले राउतलाई सर्वसम्मत अध्यक्ष चयन गरेको हो । उदयपुर उवासंघको निवर्तमान अध्यक्ष राउतले दुई कार्यकाल प्रदेश समितिको उपाध्यक्षको जिम्मेवारी बहन गरिसकेका छन् ।
महासङ्घको उपाध्यक्षमा जिल्ला तथा नगर उद्योग वाणिज्य महासङ्घबाट भीम बहादुर पौडेल निर्वाचित भएका छ । इटहरी उवासंघका निवर्तमान अध्यक्ष समेत रहेका पौडेलले प्रदेश समितिमा जिम्मेवारी पाएका हुन् । एशोसिएट्सको तर्फबाट उपाध्यक्षमा कुमार मणि पोखरेल चयन भएका छन् ।
कार्यसमितिको कोषाध्यक्षमा सुवास आचार्य चयन भएका छन् । सदस्यहरूमा जिल्ला तथा नगर उद्योग वाणिज्य महासङ्घका तर्फबाट ध्रुवलाल श्रेष्ठ, वीरेन्द्रकुमार शाह, प्रितम खड्गी, प्रकाश सिवाकोटी, ऋषिराज तिम्सिना चयन भएका छन् ।
वस्तुगत सङ्घबाट सदस्यमा राजन श्रेष्ठ र दीपक पाण्डे निर्विरोध भएका हुन् ।एशोसिएट्स सदस्यमा रविनकुमार दाहाल, भविस कुमार श्रेष्ठ र श्रवण कुमार अग्रवाल निर्विरोध निर्वाचित भएको मुख्य निर्वाचन अधिकृत पुनम कुमार गुप्ताले बताए ।
