धरान : काठमाण्डौमा सम्पन्न ‘राजेन्द्र केसी स्मृति हिमालयन १०० एक्स टु ब्लिट्ज’ चेस प्रतियोगिता खुलातर्फको उपाधि क्षितिज भण्डारीले जितेका छन् ।
हिमालयन चेस एकेडेमीको आयोजित प्रतियोगिताको शनिवार त्रिपुरेश्वर वोगनभिल्लामा भएको  प्रतियोगितामा २४७ खेलाडी सहभागी थिए । नेपाली ब्लिट्ज चेस इतिहासमा यो सहभागी सङ्ख्या  सबैभन्दा ठूलो हो । 
एकेडेमीकी अध्यक्ष मोनालिसा खम्बूका अनुसार गत वर्ष फिडे स्थापनाको १०० वर्ष पुगेको अवसरमा भएको पहिलो संस्करण ‘हिमालयन १००’ गिनिज वर्ल्ड रेकर्डमा सूचीकृत भइसकेको छ । यस पटक त्यही अभियानको दोस्रो संस्करण हो ।
प्रतियोगिताको खुलातर्फ फिडे मास्टर भण्डारीले सिएम पुरुषोत्तम सिलवाललाई हराएका थिए । उनले ९.५ अङ्क जोडे, सिलवालले ९ अङ्क जोडेका थिए । विजेता भण्डारीले १० हजार, उपविजेता सिलवालले ७ हजार नगद पुरस्कार प्राप्त गरे । तेस्रो ८.५ अङ्क जोडेका मुकुन्द नापितले ५ हजार प्राप्त गरे । 
शीर्ष १० स्थानमा खेलाडीहरू सन्तोष श्रेष्ठ, रुपेश जैसवाल, प्रेम कृष्ण अधिकारी, रिसन थापा, सरोज महर्जन, प्रेम खड्का र पुरुषोत्तम चौधरीले १÷१ हजार रुपैयाँ पुरस्कार पाए ।
१९ विधामा भएको प्रतियोगितामा ६ वर्षदेखि ८४ बर्ससम्मका खेलाडी थिए । कुल ६७ हजार रुपियाँ पुरस्कार रहेको प्रतियोगितामा नायुमा मगर, निहाना श्रेष्ठ, प्रज्ञा पन्त, सात्विकमान तुलाधर, प्रवीर केसी, सीताराम अग्रवाल सहित ३२ खेलाडीले पुरस्कार प्राप्त गरे ।
प्रतियोगिता उपप्रधान तथा सहरी विकास मन्त्री प्रकाशमान सिंहले प्रतियोगिताको उद्घाटन गरेका थिए ।