इटहरी : नेपाली काँग्रेस इटहरी उपमहानगर समितिले चुनावी गीतमा टिकटक बनाउनेलाई नगद पन्ध्र हजार पुरस्कार दिने भएको छ । नगर समितिले केही दिन अगाडी सार्वजनिक गरेको गीतमा टिकटक बनाएर सबैभन्दा धेरै लाईक र दर्शक हुने प्रतियोगीलाई पुरस्कृत गर्न लागिएको हो।
काँग्रेस नगर सचिव विक्रम घिमिरेका अनुसार चुनावी अभियानलाई युवाहरू माझ पुर्याउन टिकटकमा प्रचार गरिएको हो । नयाँ मतदाताहरू टिकटकमा बढी सक्रिय भएकाले गीतको मार्फतबाट काँग्रेसलाई सबैमाझ पुर्याउन लागेको उनले बताए । गीतको रचनाकार समेत रहेका घिमिरेले टिकटकमा ‘ह्याट्यागमा भोट फर काँग्रेस’ लेखेर प्रचार गरेमात्र पुरस्कार पाइने उल्लेख गरे । इटहरीमा काँग्रेसले चुनावी प्रचारको लागि छुट्टै ‘बोकौँ है चार तारे झण्डा....’ बोलको गीत तयार पारेको छ।
