धरान : चर्चित गायिका अस्मिता अधिकारी डिभाइन वाइनको आयोजनामा आउँदो बुधवार देखि हुन लागेको "डिभाइन नाइट द म्युजिकल विथ अस्मिता अधिकारी" को लागि पूर्वका चार सहरमा आफ्नो एकल प्रस्तुति दिदैछिंन ।
नेपाली फिल्म तथा आधुनिक-पप गीतहरूमा अहिले निक्कै लोकप्रिय गायिका अस्मिता अधिकारीले भाइरल इन्टरटेनमेन्ट र सिल्भर इन्टरटेनमेन्टको व्यवस्थापनमा आउँदो कार्तिक १६ गते धरानको भिन्टेज क्याफे एण्ड लञ्ज बारमा, १७ गते उर्लाबारीको टोटाला रेस्ट्रो एण्ड बारमा, १८ गते विराटनगरको तृष्णा द कार्भिंग टेल्समा र १९ गते बिर्तामोडको मोक्ष रेस्ट्रो एण्ड बारमा ब्याडका साथ आफ्नो चर्चित गीतहरू प्रस्तुत गर्नेछिन् ।
नेपाल आइडलको दोस्रो सिजनमा थर्ड रनरअप भएकी झापा स्थायी घर भएकी गायिका अस्मिता अधिकारीको 'बाबरी रङ्गमा' संगै
काफल कमल, टाढा भए पनि, लज्जावती झार, कोहोला त्यो, साली मन पर्यो, तिम्रो मायाले बाँधेर राख, रम रम मरौतीं लगायत थुप्रै गीतहरू चर्चित छन्।
ब्यान्डका साथ अस्मिता अधिकारीको प्रस्तुतिले सङ्गीतका पारखीहरूले भरपुर मनोरञ्जन लिने डिभाइन वाइनले जनाएको छ ।
