वराहक्षेत्र : वराहक्षेत्र नगरपालिकामा जारी वडा स्तरीय वराहक्षेत्र मेयर लिग कप रनिङ शिल्ड फुटबल प्रतियोगिता अन्तरगत आइतबार भएको पहिलो खेलमा वडा नं.१ विजयी भएको छ । वडा नं.१० लाई एक गोलका विरुद्ध तीन गोलको अन्तरले पराजित गर्दै वडा नं.१ ले प्रतियोगितामा तीन अङ्क जोडेको छ।
जितसँगै प्रतियोगितामा यस अगाडि एक खेल बराबरी एक हार खेलेको वडा नं.१ ले प्रतियोगितामा चार अङ्क पुर्‍याएको छ। वडा नं.१० ले पनि तीन खेलमा १ खेलमा बराबरी, एक खेलमा जित र एक खेलमा पराजित भएसँगै प्रतियोगितामा चार अङ्क छ।
खेलमा दुई गोल गरेका वडा नं. १ का अङ्कित खडका म्यान अफ द म्याच  घोषित भए। उनले नगद दुई हजार एक सय सहित ट्रफि प्राप्त गरेका थिए ।
त्यस्तै आइतबार नै भएको दोस्रो खेलमा वडा नं. ५ विजयी भएको छ । वडा नं.२ लाई शून्यका विरुद्ध दुई गोलको अन्तरले पराजित गर्दै वडा नं.५ ले प्रतियोगितामा तीन अङ्क जोडन सफल भएको छ । यस अगाडीका एक खेलमा बराबरी एक खेलमा विजयी बनेको वडा नं. ५ ले प्रतियोगिता सात अङ्क पुर्‍याएको छ ।
वडा नं.२ ले ४ खेलमा यस अगाडिका ३ खेलमा विजयी हुँदै ९ अङ्क छ । खेलमा दुई गोल गरेका वडा नं. ५ का सन्दीप श्रेष्ठ  म्यान अफ द म्याच घोषित भए । उनले नगद दुई हजार एक सय सहित ट्रफि प्राप्त गरेका थिए ।
प्रतियोगितामा सोमवार पहिलो खेल वडा नं.३ र वडा नं.४ तथा दोस्रो खेल वडा नं.६ र वडा नं. ११ का बिच आयोजकले जनाएको छ।