वराहक्षेत्र : वराहक्षेत्र नगरपालिकामा जारी वडास्तरीय वराहक्षेत्र मेयर लिग कप रनिङ शिल्ड फुटबल प्रतियोगिता अन्तरगत सोमवार भएको पहिलो खेलमा वडा नं.३ विजयी भएको छ।
वडा नं.४ लाई एक गोलका विरुद्ध तीन गोलको अन्तरले पराजित गर्दै वडा नं.३ ले प्रतियोगितामा तीन अङ्क जोडेको छ । जितसँगै प्रतियोगितामा यस अगाडि एक खेल बराबरी एक हार र एक खेलमा विजयी बनेको वडा नं.३ ले प्रतियोगितामा सात अङ्क पुर्याएको छ। वडा नं.४ ले पनि चार खेलमा दुई खेलमा बराबरी, एक खेलमा जित र एक खेलमा पराजित भएसँगै प्रतियोगितामा पाँच अङ्क छ ।
खेलमा उत्कृष्ट प्रदर्शन गरेका वडा नं ३ का विशाल मग्राती म्यान अफ द म्याच घोषित भए । उनले नगद दुई हजार एक सय सहित ट्रफि प्राप्त गरेका थिए ।
त्यस्तै सोमवार भएको दोस्रो खेलमा वडा नं.११ विजयी भएको छ। वडा नं. ६ लाई शून्यका विरुद्ध चार गोलको अन्तरले पराजित गर्दै वडा नं.११ ले प्रतियोगितामा तीन अङ्कले खाता खोलेर लिग टुङ्ग्याएको छ । यस अगाडीका लगातार तीन खेलमा वडा नं ११ पराजित हुँदै अङ्क विहीन रहेको थियो । वडा नं ६ ले प्रतियोगिता एक अङ्ग जोड्दै लिग टुङ्ग्याएको छ। ४ खेलमा एक खेलमा बराबरी तीन खेलमा पराजित हुँदै वडा नं.६ ले एक अङ्कमा लिग टुङ्ग्याएको हो।
खेलमा तीन गोल गर्दै ह्याट्रिक पूरा गरेका वडा नं ११ का सुशील उराव म्यान अफ द म्याच घोषित भए। उनले नगद दुई हजार एक सय सहित ट्रफि प्राप्त गरेका थिए ।
प्रतियोगितामा मङ्गलवार पहिलो खेल वडा नं १ र वडा नं ८ तथा दोस्रो खेल वडा नं ९ र वडा नं १० का बिच आयोजकले जनाएको छ ।
