_1749430366.gif)
इनरुवा : अस्पताल जन्य फोहोर व्यवस्थापन गर्न युएनडिपीद्वारा जिल्ला अस्पताल सुनसरिलाई दश लाख बाउन्न हजार बरावरको फोहोर व्यवस्थापनमा प्रयोग हुने सामान तथा उपकरण हस्तान्तरण गरेको छ।
बुधवार आयोजित एक कार्यक्रममा रु.१०,५२,७०० मूल्य बरावरका उक्त सामग्री तथा उपकरणहरू युएनडिपीका नेशनल कन्सलट्यान्ट दीपक अधिकारीले अस्पतालका मेडिकल सुपरीटेन्डेन्ट देवराज घिमिरेलाई हस्तान्तरण गरे ।
मेसु घिमिरेले प्राप्त उपकरण तथा सामग्रीहरू अस्पताललाई अति आवश्यक रहेको बताए । युएनडिपीको सहयोगमा प्राप्त सामग्रीले अस्पताल जन्य फोहोर व्यवस्थापनमा अति नै महत्त्वपूर्ण सहयोग पुग्ने उनले बताए ।
अस्पतालबाट निस्कने फोहोरबाट सङ्क्रमणको जोखिम हुने भएकाले अस्पतालको फोहोर व्यवस्थापन कार्य संवेदनशील विषय रहेको घिमिरेले बताए ।
अस्पतालबाट निस्कने फोहोरलाई भित्र नै सुरक्षित तवरबाट छुटाएर व्यवस्थापन गर्न सहज होस भन्ने उद्देश्यले उपकरण तथा सामग्रीहरू अस्पताललाई प्रदान गरिएको युएनडिपीका नेशनल कन्सलट्यान्ट दीपक अधिकारीले जानकारी दिए ।
मेडिकेशन ट्रली, आन्तरिक ढुवानीमा प्रयोग हुने ट्रली, स्क्रवर मेशिन लगायतका उपकरण प्रदान गरिएको र फोहोर व्यवस्थापनकालागी अस्पताल परिसरमै २ दिन सिकाउने काम समेत गरिएको अधिकारीले बताए ।
