_1735354691.gif)
_1743784132.gif)
इटहरी : धरानको बराह बचत तथा ऋण सहकारी संस्थाका अध्यक्षले संसदीय छानबिन विशेष समितिलाई दिएको बयान सार्वजनिक भएको छ ।
अध्यक्ष मान बहादुर विश्वकर्माले छानबिन समितिलाई बयान दिने क्रममा बचत रकम फिर्ता गर्न सकिने दाबी गरेका हुन् ।
सहकारीको समस्या समाधान गर्न सकिने बताएका उनले सरकारबाट पक्राउ र धरपकड नभए केही समयमै बचत फिर्ता गर्ने बताएका छन् ।
अध्यक्ष विश्वकर्माले बारम्बार दोहार्याएर भनेका छन्, ‘ऋण असुली गरेर, सञ्चालकको सम्पत्ति र सञ्चालकले लगानी गरेको व्यावसायिक प्रतिष्ठानबाट बेचबिखन गरेर बचत रकम फिर्ता गर्न समस्या छैन ।’
बचत रकम फिर्ता गर्नको लागि रोक्का सम्पत्ति फुकुवा र बैक खाता फुकुवा हुनुपर्ने उनले बयान दिएका छन् ।
बराह सहकारीमा बचतकर्ताको रकम सञ्चालकहरूले अन्य क्षेत्रमा लगानी गरेका छन् ।
त्यसमध्ये पनि स्वयम् मान बहादुर विश्वकर्माले १ करोड ९८ लाख ४६ हजार, विष्णुमाया विश्वकर्माको नाममा २ करोड २६ लाख ७१ हजार, गङ्गा बहादुर कालिकोटेले ५ लाख ६९ हजार, अम्बर बहादुर विश्वकर्माको नाममा ३ करोड ३० लाख ६६ लाख, शुभराज खातीको नाममा २ करोड ८५ लाख ७५ हजार रुपैयाँ ऋण रहेको समितिको प्रतिवेदनमा उल्लेख गरिएको छ । जसमा मान बहादुरको नाममा १४ लाख ११ हजार पेस्की देखिएको छ ।
बराहको कर्जा रकम ७१ करोड ८५ लाख ६२ हजार रहेको र त्यसमध्ये प्रावधान २५ करोड ३२ लाख ५६ हजार रहेको बताइएको छ ।
१० प्रतिशत तरलता नराखेको कारण सहकारीमा समस्या देखिएको समितिले निष्कर्ष निकालेको हो ।
संसदीय छानबिन समिति समक्ष बराह सहकारीका अध्यक्ष मानबहादुर विश्वकर्माले दिएको बयानको पुर्णपाठ :
