धरान : धरान–१३ स्थित पब्लिक माध्यमिक विद्यालय फुस्रेमा बिहीबार गठन भएको शिक्षक–अभिभावक सङ्घमा सम्य लिम्बू अध्यक्ष चयन भएकी छन् ।
उनको अध्यक्षतामा गठित ७ सदस्यीय सङ्घको कार्यसमितिमा मैयाँ दर्जी,सिर्जना राई, सपना राई, रोशन लिम्बू, शर्मिला तामाङ र शान्ति राई छन् । सङ्घको सदस्य सचिवमा विद्यालयका प्रधानाध्यापक नारद राई रहेका छन् ।विद्यालयका नवनियुक्त प्रधानाध्यापक नारद राईले बिहीबार नै पदभार ग्रहण गरेका छन् ।
उनले शिक्षक,विद्यार्थी,अभिभावक र व्यवस्थापन समितिको सहकार्यमा काम गर्ने बताए ।
व्यवस्थापन समिति अध्यक्ष हरिबहादुर कार्कीले विद्यालयको नतिजा ७५ प्रतिशत पुर्याउने लक्ष्य रहेको बताए ।
