धरान : स्वास्थ्य मन्त्रालयले बिपी कोइराला स्वास्थ्य विज्ञान प्रतिष्ठानको उपकुलपतिको जिम्मेवारी प्रा.डा.सञ्जीव शर्मालाई दिएको छ। उनलाई उपकुलपतिले गर्ने प्रतिष्ठानको प्रशासनिक कार्य गर्ने गरी जिम्मेवारी दिइएको हो ।
उपकुलपति डा.ज्ञानेन्द्र गिरी माथि अख्तियार दुरुपयोग अनुसन्धान आयोगले विशेष अदालतमा भ्रष्टाचार मुद्दामा दायर गरेपछि निलम्बनमा परेका छन् । डा.गिरी निलम्बित भएपछि साता दिन देखी प्रतिष्ठान कुलपति विहीन थियो । कुलपतिको जिम्मेवारी पाएका प्राडा.शर्मा प्रतिष्ठानका शिक्षाध्यक्ष हुन् ।
उपकुलपति डा। ज्ञानेन्द्र गिरीले प्रयोग गरेको ‘प्रोफेसर’ पद प्रयोग गरेकोमा अख्तियार दुरुपयोग अनुसन्धान आयोगले नपाएको ओहदा पाएका भनी प्रोफेसरको पद प्रयोग गरेको देखिएकोले गएको विशेष अदालत काठमाण्डौमा भ्रष्टाचारको मुद्दा दायर गरिएको गत: माघ ९ गते प्रेस विज्ञप्ति मार्फत सार्वजनिक गरेका थियो। डा. ज्ञानेन्द्र गिरीले उपकुलपति जस्तो पदमा नियुक्ति भइसकेपछि नियमित काम गर्ने क्रममा अरूले विश्वास गरोस् भनी बदनियत साथ कुनै पनि आधिकारिक निकायबाट प्राप्त नगरेको नपाएको ओहदा प्रोफेसर पद प्रयोग गरेको देखिएको र उक्त कार्य भ्रष्टाचार निवारण ऐन, २०५९ को दफा १५ बमोजिमको कसुर भएकोले सोही कसुरमा सोही ऐनको दफा १५ बमोजिम सजाय हुन र सोही ऐनको दफा २४ बमोजिमको थप सजाय समेतको माग दावीका साथ अख्तियारले विशेष अदालत काठमाण्डौमा मुद्दा दायर गरिएको जनाएको छ ।
