• रश्मि प्रधान
धरान : किताबी ज्ञानको अतिरिक्त व्यवहारिक, सामाजिक, सांस्कृतिक ज्ञान अभिवृद्धि गराउने उद्देश्यले धरान-१५ मा रहेको हिविस्कस इङ्लिस बोर्डिङ स्कुलले विद्यार्थीहरूलाई मःमः बनाउने तालिम प्रदान गरेको छ।
बुधवार स्कुलले कक्षा-८मा अध्ययनरत २३ जना विद्यार्थीहरूलाई मःमः बनाउने तालिम दिएको थियो।
विद्यार्थीहरूलाई किताबी ज्ञानको अतिरिक्त व्यवहारिक ज्ञान समेत दिने उद्देश्यले कार्यक्रमको आयोजना गरिएको स्कुलकी प्रिन्सिपल पार्वती लिम्बूले जानकारी दिइन ।
विद्यार्थीहरूलाई  शिक्षिका सपना साहले तालिम प्रदान गर्दै विद्यार्थीहरूलाई मःमः बनाउने तालिम र सेवा दिने विषयमा तालिम दिइएको तालिम प्रशिक्षक साहले बताइन ।
अभिभावकको साथमा विद्यार्थीहरूलाई तालिम दिन पाउँदा खुसी लागेको प्रिन्सिपल लिम्बूको भनाई छ । अभिभावक, विद्यार्थी र शिक्षकहरूबिचको सहकार्यले पारस्परिक सम्बन्ध कायम हुनुका साथै एक अर्कामा दरिलो विश्वास बढ्ने विद्यालयका निर्देशक गङ्गाराम राईको भनाई रहेको छ ।
विद्यालयमा किताबी ज्ञानका अतिरिक्त पारिवारिक र व्यवहारिक अनुभव एवम् शिक्षा पाउँदा खुसी लागेको कक्षा ८ का निवा मावो लिम्बूले बताए ।
पछिल्लो समय हिविस्कस स्कुलले पढाइका अतिरिक्त क्रियाकलापमा जोड दिँदै आएको छ ।