धरान : लेबनानमा मगंलबार स्थानीय समय अनुसार ४ बजे सर्वसाधारणको गोजी गोजीमा बोकेको पेजर विस्फोट हुँदा ९ जनाको मृत्यु भएको छ । घाइतेको सङ्ख्या २ हजार ८०० पुगेको छ ।
घट्नामा लेबनान स्थित इरानी राजदूत पनि घाइते भएको उनकि श्रीमती मोजतबा अमानीलाई उद्धृत गर्दै बिबिसीले समाचार दिएको छ ।
राजदूत पत्नीले भनिन् ‘मेरो पतिलाई थोरै चोट लागेको छ, उनी अस्पतालमा छन् ।’
लेबनानका स्वास्थ्य मन्त्रीका अनुसार पेजर विस्फोटको घट्नामा ९ जनाको मृत्यु भएको छ, जसमा एक बच्चा पनि छन् । एएफपीको समाचार अनुसार हिजबुल्लाह सांसद अलि आमेर र उनको एक सदस्य १० वर्षिया छोरीको विस्फोटमा मृत्यु भएको छ ।
हिजबुल्लाहले यो पेजर विस्फोटमा इजरायललाई दोषी ठहर्याएको छ । उसले इजरायली यो आक्रमण जवाफ दिने बताएको छ । इजरायलले भने यस विषयमा अहिले सम्म कुनै टिप्पणी गरेको छैन ।
पेजर विस्फोट राजधानी लेबनान सहित अन्य शहरमा पनि भएको छ । इरान समर्थक गुटको हिजबुल्लाका ८ जना लडाकुको पनि विस्फोटको घट्नामा मृत्यु भएको छ । उनीहरूका अनुसार विस्फोट भएको पेजर लडाकुहरूले नै बोकेका थिए ।
प्रत्यक्षदर्शीहरुले सर्वसाधारणको गोजी गोजीमा धुवाँ निस्केको देखिएको बताएका छन् । के को धुवाँ हो भनेर ठम्याउन अघि गोली चलेको जस्तो आवाज सहित विस्फोट भएको देखिएको उनीहरूले बताएका छन् ।
सामाजिक सञ्जालमा भाइरल एक सिसिटिभी फुटेजमा पसलमा सामान किनिरहेको मानिसको गोजीबाट धुवाँ निस्केको र विस्फोट भएको दृश्य देखिएको छ ।
मोबाइल फोनको जमानामा पेजरको प्रयोग अझै चलिरहेको र त्यसलाई आक्रमणको साधन बनाइएको यस घट्नाले पुष्टि गरेको छ ।
सम्भवता छापामार द्वन्द्वमा यसको प्रयोग अहिले पनि सञ्चार सम्पर्कको लागि हुने गरेको अनुमान गर्न सकिन्छ ।
